武汉都市网
当前位置: 首页 > 娱乐 > 正文

鴿黨眾籌「天仙局」收錢監察全是自己友

2020-10-17 13:51来源:未知 点击:

民主黨搞所謂「天下為公」眾籌,話要調查前特首梁振英UGL事件。早幾日,佢宣佈籌超過220萬元,仲披露佢未經報價招標,就欽點「法律顧問」,即係同黨AV仁(何俊仁)間律師樓為佢提供「專業服務」,當然係收錢啦!而做管理委員會、負責「監察」眾籌款項運用就係一班自己友。唔少網民質疑呢個係「天仙局」,名正言順畀何俊仁收錢,而「監察者」更係「自己友」,仲唔乘機上下其手?

民主黨班友仔,早幾日記者會上宣佈成立監察眾籌款項運用管理委員會,其中包括咩人呢?哦,公民黨主席梁家傑、立法會資訊科技界議員莫乃光、傘後組織「進步會師」會計界選委原樹堂,同埋民主黨副主席羅健熙,仲要夾埋4名自民主黨發起人,咪即係全部「泛民」自己友?

擔任呢次行動何俊仁就好坦白咁講,如果佢律師樓繼續要為佢提供專業服務,就會「徵收相關費用」,「我都係收取市價,當然會有折扣,我同佢講,佢可以選擇另行聘請出面律師。」佢仲會聯絡英國和澳洲兩地的專業人士,以獲得當地律師、大律師等專業人士的「報價」。咦,咁點解佢間律師行就唔使報價呢又?

唔少網民都批評呢個擺明係「天仙局」。由中大講師劉正經營fb專頁「無神論者的巴別塔」就發文揶揄,「『天下為公 Wolf-Hunting』原來意思係公價收費個公;查、監察、收錢全部都係你地()自己人,點同你鬥?」

「巴別搭」文中批評:「你班爛鴿口講就天下為公,其實就係私底下判生意比(畀)同黨何俊仁間律師樓做,然後何俊仁仲要講到明收公價添()......根本就係另一條社運產業鏈,用市民捐款再批生意比(畀)自己人,點×樣叫『為公』?」

佢仲話:「仲離譜係,所謂監察委員會又係飯民大台自己人梁家傑、莫乃光、甚至羅健熙、單仲楷(偕)做番(返),......球證、旁證加上所有主辦、協辦單位全部都係爛鴿黨同飯民大台人,點同你鬥呀?」

「無待堂堂主」盧斯達亦話:「又益返自己友律師樓,從政真係發發啊,係班中老年黃絲閒錢太多先對呢D()野()咁真心。主事人民主黨立法會議員林卓廷等人昨日口口聲聲說聘請英國和澳洲律師要報價,但在香港卻已經聘用何謝韋律師事務所,而何謝韋的頭號合夥人正是民主黨前主席何俊仁。」

專欄作者王岸然(黃覺岸)也稱:「好×肉酸啊,何俊仁律師行又行公義又Cap水,......眾籌記者會何俊仁有份架(),taut for business 係違反律師會專業手(守)則架(),係變相賣廣告召客架()」。 ■香港文匯報記者 陳川

Roy Tsang:堂堂7個立法會議員月入9萬3,1毫子都唔拎出,仲要乞市民錢,以為幾公義,丫()原來捐錢係比(畀)返佢自己。

Caterwood Ko:私相受(授)受,有違廉政,籌自僱,如何服?

Theo Ho:慘得過人地()做場馬騮戲又袋兩球!願者上釣,政治嘛!

编辑:dd 作者:dd
收藏】 【挑错】 【推荐】 【打印
------分隔线----------------------------
推广信息
头条新闻
图片新闻
新闻排行榜